تخاريف عن اللى اسمة الحب

مش قصدى عن التخاريف ان الحب ده مش حلو ولكن الحب ده أجمل مشاعر واحاسيس ممكن يحس بيها الانسان يعنى الحب ده ماهو الا مشاعر
جوا الانسان هوه اللى بيحس بيها فمش ينفع اننا ننشر احاسيسنا بشكل رخيص على منتدى لان المشاعر دى اسرار بين الانسان ونفسه
مقتصرة عليه وعلى اللى بيحبه فلازم لو هنيجى نتكلم عن الحب لازم نتكلم عنه هو مش عن مشاعرنا
الحب ياسادة شئ رائع بس بيكون اروع لما بيكون سر بينك وبين اللى بتحبه
مش هيبقى حلو لو عرضنا مشاعرنا ادام الناس
والسلام عليكم

دى اول رسالة منى

اولا اهلا بيك معانا في المنتدي
ثانيا كلامك معقول بس .... احنا اما بنيجي نتكلم عن الحب في اي منتدي - مش شرط منتدانا بس - بنتكلم بصفة عامة ولو حد عنده مشكلة مش عيب ولا غلط انه يقولها و احنا نحاول نردله عليها ، لكن مش بيكون القصد من الكلام انه يقول حاجة من الاسرار اللي بينه و بين حبيبه

لا الحب يا أدمن ان الواحد يحب فى صمت انا مش بقول اننا مش نتكلم عن الحب بس اللى بقوله مش ينفع ابدا اننا نتكلم عنه بصفة الشخص وانتم اتكلمتم بصفة الشخص وبكدة فيه بوح باسرار فى القلب واللى مش يصح ان احنا نقولها ادام حد لازم نعقل كل كلمة بنقولها سواء عن النفس او عن الجماعة
وبعدين انا نفسى نتجة فى كلام مفيد مش هنقعد نتكلم عن الحب وخلاص انا لقيت اكتر الكلام ومعظمه عن المدعوء اللى اسمه الحب ؟؟؟؟؟؟؟؟؟

ايون ن ن ن ن ما قلنا كده مالاول محدش سمع الكلام ما ينوب الواحد منه غير وجع الدماغ اقلب يا عم......

اولا وجهه نظر غلط خالص اننا نحب فى صمت .... مش عارف دى تيجى ازاى , طب نتبادل الحب ازاى؟؟؟

بالنظر كده ؟؟؟
ولا بالجوابات ؟؟؟

طبعا لازم وغصب عنك هايحصل حاجه ... لانه اصلاااا زى البناء اللى بيتبنى على مراحل .

وبعدين انت كنت بتحب ليه اصلااااااا .... عشان تسكت ؟؟؟؟؟؟؟؟؟؟؟؟
طب واخرتها ايه ؟ بتحب بينك وبين نفسك ؟
ياراجل ده عذاب بكل المقاييس !!!
وعمره مايكون حب ابداااااااا ... ولا تحت اى مسمى , ولا صمت ولا غيره .

أنا قصدى ان الواحد يحب فى صمت يعنى يكون الحب ده شئ خاص بينه وبين اللى بيمووت فيها مش هطلع أقول للناس انى بحب
الحب ان ماكانش سر بينك وبين اللى انت بتحبها يبقى اسمه مش حب ده يبقى اسمه استهبال وعبط وتخلف ولعب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماتيجو نسيبنا من الكلام فى الحب لان الواحد مكسوف والله ان منتدى طويييل عرييض أغلب موضوعاته عن الحب
ده انا وانا بتصفح فى المنتدى نادرا اما لقيت موضوع مفيد واغلب الكلام عن الحب
................................................................................................
وفى النهاية الحب الصامت هوه الحب اللى بيخلى صاحبه فى السحااااااااااااااااااب

طيب ماتقولي انا اعمل ايه اكتر من اللي عملته
جروب ع الفيس بوك وعملت
رسايل للاعضاء و اللي مش اعضاء و بعت
طيب اعمل ايه تاني ؟؟؟؟؟
حد يساعدني عشان نرجع المنتدي زي الاول واحسن

بص ياهوبة ولا يا أدمن :ابدأ كإنك لسة بادئ من الاول تقولى إزاى؟
بص ياسيدى أهم حاجة للمنتدى بتاعك انه يلم أعضاء ويشترك فيه ناس كتير
اعمل بعض عوامل الجذب ليهم زى مثلا تنشر مسابقات على موقع المنتدى والفيس بوك
اعلن عن وجود جوائز للمشتركين فى المنتدى لطلبة جامعة الزقازيق اعلن عن وجود مناقشات فى موضوعااااااااااات مهمة جدا تخص الطلبة وحياتهم كد يعنى

بص يا ادمن هذا المنتدى اساسا خلينا صراحا اساسا ما اتعملش غير علشان البنات والولاد يتعرفو على بعض وده الواضح جدا فى المنتدى حب ايه بس ؟ اى كلام بين ولد وبنت قبل الزواج فااااااااااااااااااشل .......
الا من رحم ربى وحفظ حق ربنا وراعاه فى كل خطوة
اعتقد ان الكلام ده كل الاعضاء هتوافق عليه
وخاصه البنات لان البنت مش هتعوز الا زوج صالح يخبط عالباب لكن كلام فى الحب ؟؟ حواار فاشل ده رايى بكل صرااااااااحة

اولا السلام عليكم
ثانيا انا مع كلام توته بس انا عارفه ان ادمن معملش المنتدى عشان كده هو عمله عشان يبقي منتدى لينا كلنا نقدر نفيد بعض فيه بس في اعضاء جذبهم القسم ده وبدؤا يتفاعلوا مع المواضيع الموجوده فيه وده اللي خلي القسم ده هو القسم الوحيد المتجدد وفيه مواضيع وحوارات كتير
عشان كده انا نفسي كلنا نتعاون مع بعض ونعمل مواضيع تانيه تجذب الناس للاقسام التانيه مش تلاقي واحد بس هو المسئول عن قسم كامل لوحده لا لازم كلنا نشارك مع بعض
وفي الاخر بحب ارحب بالعضو الجديد عمرو واقول ان موضوعه كويس جدا لان الواحد لما يحب في صمت افضل بكتير
وكمان يا ادمن انا عارفه انك تعبت وغلبت مع الاعضاء والرسايل حاول تعمل اللي عمرو قالك عليه وربنا يوفقك

ايوة ماشي هاعمل زي ماعمرو بيقول بس اذاي يعني؟؟

ايه هي الجوايز اللي ممكن تقدم؟؟؟
ممكن تفكرو و تقولولي
بس في موضوع جديد مش هنا في نفس الموضوع

اولا
عادى اننا فى المرحله دى والسن دا نتكلم عن الحب والمشاعر دا الطبيعى
ولما حاجه تشغل بالنا هنتكلم فيها ما هو الكلام الكتير دا معناه انه بيشغل البال

ثانيا
حاجه جميله جدا ان تناقش مشاعرك وتحللها وتفكر فيها
سواء بقا مع نفسك فى صمممممممممممممممممت او
لو حد حطها على المنتدى المشاعر بس مش لمين طبعا
دا بختلف من شخصيه حد للتان
وكمان امال الافلام الرومانسيه والروايات دى ايه ؟؟؟؟
بتناقش المشاعر
هنقول دى حياتنا الخاصه ولكن
احيانا ممكن تبقى نفسك تحكى للى جواك
وحد يقولك سيبك انك ماشى فى سكه غلط بلاش تحس كدا
بلاش تكمل
احيانا
ثالثا
مفيش اى مشكله نتكلم فى المواضيع التانيه كلها
ورابعا
ربنا يوفقكوا فى المنتدى يا رب
وبس

يا جماعة انا شايف ان الموضوع كبر قوى وى قوى وبصراحة الموضوع كدة خرج من ايدى دى راح فى ايدى التانية
بس انا عندى ملحوظة بس على كلام د/ توتا
مش شرط ان اى كلام بين الولد والبنت يكون فاشل او مافيش فايدة منه
انا اعرف ناس كتير كلمت بنات وخرجت معاهم وحتى لما بيسيبوا بعض كل واحد بيتعلم من الاخطاء اللى وقع فيها علشن كدة بتلاقيهم فى تانى مرة بيكون فى حرص من الولد وابنت وبيحسبوا كل حاجة بالورقة والقلم
وفى الغالب مابيبقاش فى اخطاء مع انى مش موافق على حكاية انهم يحسبوها بالورقة والقلم بس مش مهم
والاهم من كدة ان لو كل ولد حب بنت بجد واتقى ربنا فيها مافيش حاجة هتحصل عادى يعنى
وهتعدى وهتجبنى الايام وتودى على قد ماتاخد على قد ماتدى

انا معاك فى كل كلمه
الغريب انى كنت عايزه اقول الكلام دا بس معرفتش اقوله زيك كدا
برافو

انا معاك
بس اللى بنشوفه من افعال الولاد والبنات طبعا اللى ما بيتقوش الله بيخلى الواحد غصب عنه يعمم المشكله لانه اساسا مش راضى عن الاخطاء دى
فهمتنى؟؟؟؟