سؤال الجميع مدعو للإجابة عليه...........

انا شايفه ان الاجابه 3 صعبه جدا جدا صحيح اصعب حاجه انك تلاقي حد وبالذات اذا كان عزيز عليك محتاج مساعده وانت شايفه متألم وانت مش عارف تعمله حاجه
وبرضه الاجابه 4 صعبه جدااااا وعلي ما اظن كلنا بنحس بيها لما بنشوف اللي بيحصل في اهلنا في فلسطين والعراق
اما الاجابه 1 انا معاك يا احمد فيها
والاجابه 2 ممكن الانسان يقدر يتغلب علي الغربه الي حد ما
اما الاجابه 5 اه الخيانه اصعب حاجه في الدنيا وبالذات لما تكون من الانسان اللي بتحبه لكن برضه اكيد مش هفقد الثقه في بقيه الناس لان اكيد في انسان هتلاقيه هو المناسب ليك بعد كده
وميرسي بجد يا احمد مواضيعك متميزه جدااااااااااااااا شكراااااااااااااااا بجد

الاصعب من دا كلة انك تعيش من غير ما تعرف نفسك

لو عرفت نفسك
هتعرف مين اللي يستحق حبك وتديهولة ـــــــــــــــــــــــــــــ1
ممكن تعيش في غربة وانت بين اهلك نتيجة لانك غريب عن روحك ـــــــــــــــــــــــــــــــــ2
وممكن متقدرشي تساعد اللي بتحبة لانك متعرفشي امكانياتكــــــــــــــــــــــــــــــــــــــــــــ3
وانك متعرفشي روحك هيخليك مهزوز ومش واثق في قدراتك فتهرب من اعدائك خايق من مواجتهم ـــــــــــــــــــــــــــــــــــــــــــــــــــــــــــ4
اما الاخيرة فحبيبك هو انت لو خانك يبقي معرفكشي وميستاهلكشي ـــــــــــــــــــــــــــــــــــــــــــــــــــــــــــــــــــــــــــــــ5


وربنا يوفقكوا جميعا ان شاء الله

شكرا ليكى يا يويو على مرورك
بس انا بيتهيألى لو حصلت يعنى لاقدر الله
وحد خانى سواء بقى صحبى او حبيبتى
بيتهيألى انى هفقد الثقة فى كل الناس حتى اقرب الناس ليا

الله بجد يا abla-abs
ردك جميل قوى وعاجبني اوووووووووووى
خلاص لقينا اهه اسامه منير خاص بينا

شكرا على مرورك تانى يا يويو
ويلا بقى ياabla-abs
غيرى اسمك وخليه اسامة منير المنتدى

انا اصعب حاجة عندى انى اكون جعان ومش لاقى السندوشت بتاعى

ههههههههههههه
ايوة يا عم بس دة كان زمان ولا لسة برضه
يا عينى على التاس اللى كدة

فعلا رد abla-abs جميل جدا

انا شايف انه اصعب حاجه فى الدنيا بالنسبه ليه
انك ما يكونش لك تقدير او متقدر من اللى حواليك
وشكرا
سلامو عليكو

موضوع جميل
بس هضيف نقطه على كل الكلام الجميل دا
.

النقطه بقا بتقول ايه
لا يمكن احب حد هو مبيحبنيش

مين قال ؟
ومين قال اننا بنستنى نشوف الحد التانى بيحبك ولا لا
المشاعر دى تقتحمك وتتملكك ومن الصعب ان تسيطر عليها
اساسا فى ناس تبقى بتحبك ومتقدرش تحبها وتحب ناس تانيه متقدرش تحبك
مفيش اى علاقه بين مشاعر الطرفين
يعنى من الاخر
الحب من طرف واحد صعبه وبس
تقبلوا مرورى

ياريت نرتقى بمستوى تفكيرنا ومش كل حاجه تبقى الحب الحب الحب
و انا اسف لو حد زعل من كلامى بس انا اللى ملاحظه انه معظم الكلام على الحب من طرف واحد
بس ياريت نفكر شويه هنلاقى حاجات كتيييييير غير الحب تتعبنا قوى قوى قوى قوى
شكرا سلامو عليكو

تعليق على رد حضرتك
لك ما تطلب وعلينا ان نرتقى بمستوى تفكيرنا
حضرتك تعمل مواضيع عن الحاجات اللى بتتعب اوى التانيه دى غير الحب
وهنرد
يعنى تعالى نفكر سوا فى منتدى سوا
وبعدين
اوك هنتكلم عن كل المواضيع التانيه اما بقا عن الحب
فتذكر ان الفلاسفه احتاروا اصلا فيه يعنى دا قمه الارتقاء بمستوى تفكيرنا
مش تدنى بتفكيرنا اننا نناقش الحب والحب من طرف واحد
وبعدين حكم العمر بردو
محدش يزعل من كلامك ولا من كلامى
ااااااااااااااشطه

كل ده بالنسبالي صعب جدا
ومن خلال دراساتي وبحوثي عن الموضوع
استنتجت ان اصعب حاجه هي الاجابه التالته فعلا لأنها بجد بتوجع جامد في نفس الواحد
وعلي فكره ممكن كان فيه حكمه بتقول
(ليس من الصعب ان تضحي من اجل صديق ولكن من الصعب ان تجد الصديق الذي يستحق التضحيه )
فبجد الصعب ان يكون واحد صديقك بجد
ومحتاج مساعدتك وانت مش بأيدك تعمل حاجه
بس اذا كان عليا انا
انا لو صاحبي اللي يستاهل لو طلب مني عنيا اديهالو بجد
وميرسي علي الموضوع

مش عارفة

كل الحاجات دي صعبة طبعا

بس في حاجات أصعب بكتيييييييييييييييييييير برضه

تقبل تحياتي

اولا : مش معنى انه الفلاسفه اختارو انه الحب هوه ارتقاء بالتفكير يبقى هوه فعلا ارقى مستويات التفكير
ثانيا : انا بتكلم على حاجات عمليه فى حياتنا
يعنى خلاص حد قال اصعب حاجه هيه الحب من طرف واحد و التانى قال الخيانه فى الحب
و هكذا عاوزين حد يضيف جديد
ثالثا : مع احترامى ليكى و الفلاسفه (( اللى بعض مؤسسينها كانو بيحاربو الاسلام وكلامهم كان خرف وتدخل فى بعض امور الدين اللى مالهمش فيها بتخريييييف جامد )) بس هنقول عادى طبعا بما انه حضرتك دخلتى عليه من الناحيه دى
يبقى هاقولك لما يوصل انه حال الشباب و البنات يبقى كده و كل تفكيرنا بس فى الحب و هوه ده بقى المشكله الكبيره اللى فى حياتهم
فانا اعتقد انه يبقى كلام الفلاسفه ده ما يلزمناش
و ندعى ونقول ربنا يسترها علينا
رابعا : على فكره انا ما بحاربش الحب الطاهر الشريف العفيف ابدا ابدا ابدا
بالعكس الحب شئ جميل جدا جدا جدا جدا بس الشئ لما بيزيد عن الحد ينقلب للضد