انها الرومانسية الحقيقية......اول موضوع هنا

من طرف سنترافيش الأربعاء 28 يناير 2009, 7:54 am

عارفة ان فيه منطقة فى ضهر الواحد مننا... دايما لما تيجى اعراض –لا مؤاخذة- الجرب...ويحب يهرش فيها ما يطولهاش..عارفة قد ايه النقطة دى.. قد ايه صعب الواحد يوصل لها مع انها من جسمه؟؟

-انتى بالنسبة لى ..ساكنة جوايا..موجودة فى مكان جوايا..حاسك.. وحاسس بكل نبضة بتطلع من قلبك الصغير
لكن مش قادر المسك.. بعيدة عن ايديا.. كل ما احاول اقربلك.. الاقيكى بعيدة عنى
بالظبط زى النقطة اياها.

---------------------------------------

عارفة ان فيه نقطة فى قلب كل واحد مننا..النقطة دى اسمها المنظم. ودى المسئولة عن نشاة نبضات القلب
هية اللى بتطلع دقات قلبى وقلبك..هيه اللى بتحرك كل حاجة فى جسم الانسان..هيه حياته..لو وقفت.. يبقى خلاص مات.

-انتى بالنسبة لى ..ساكنة فى قلبى..زى النقطة دى. مكان المنظم . بس نبضات قلبى ما وقفتش لحظة من يوم ما دخلتيه
بقيتى انتى اللى بتحركينى . انتى اللى بتبدأى معايا وانا باخد شهيق...وبرضة بتنهى معايا الزفير.انتى اللى خليتى الاكسجين يزيد جوايا... خليتى الدم يجرى فى عروقى بعد ماكان خلاص.. انتى اللى مخليانى اعيش فى العالم ده
ولو وقفتى مرة.. انسى سكر يبقى خلاص مات.

-----------------------------------------

عارفة ان فيه نقطة لسة مفيش حد يعرف مكانها... ولا ازاى ممكن تحصل؟؟!!..النقطة دى...عندها الزمن بيقف..مفيش عقرب ثوانى بيتحرك..عندها العالم بينفصل عن الوجود!!!!!!.......وماتساليش يعنى ايه؟!!هوة كده

-انتى بالنسبة لى منشا النقطة دى.....
"عندما يتوقف الزمن..وينفصل العالم عن الوجود..اعلمى عندها انى افكر فيك"

----------------------------------------

عارفة انك خلاص بقيتى كل حاجة..
انتى اللى بتبداى وتنهى كل حاجة..
انتى نقطة البداية وكمان نقطة النهاية..
وحالف انى هاوصللك..
غصب عنك بقى
بمزاجك
المهم
ان انا كـ سى السيد قررت
وهأعمل اللى انا عايزه

من طرف Dr.ToTa الأربعاء 28 يناير 2009, 8:02 am

ههههههههههههههههههه جمييييييييييييييييييييييله يا سكرررررررررررر Sad

من طرف yoyo الأربعاء 28 يناير 2009, 1:13 pm

ايه ده سكر هنا
مش تقولوا من زمااااااااان
وكمان داخل علينا داخله جامده
مرسي علي الموضوع

من طرف yoyo الأربعاء 28 يناير 2009, 1:22 pm

علي طول عايزين مقالات من بتاعتك الحلوه دى

من طرف Dr.ToTa الأربعاء 28 يناير 2009, 1:49 pm

انت كتبتها ونستنا خلاص
خلاااااااااااااااص

من طرف abla-abs الأربعاء 28 يناير 2009, 5:43 pm

جميــــــــــــــــــــــــــــــــــــــــــــــــــــــــــــــــــــــــــــــــل جدا وعاوزين كماااااااااان

من طرف همس الجروح الجمعة 06 فبراير 2009, 11:22 am

الموضوع أكيد مش محتاج رأيي ياسكر بس بجد أستمتعت وأحب أسجل إعجابى بموضوعك
فعلاً الحب أجمل أحساس

من طرف **Admin** السبت 07 فبراير 2009, 1:57 am

انا ليه ماردتش من زمان؟؟؟؟

اكيد كنت غلطااااان

الموضوع جامد

من طرف **Dr.Mohammed Ghareeb** الأحد 08 فبراير 2009, 5:06 am

عارفة ان فيه منطقة فى ضهر الواحد مننا... دايما لما تيجى اعراض –لا مؤاخذة- الجرب...ويحب يهرش فيها ما يطولهاش..عارفة قد ايه النقطة دى.. قد ايه صعب الواحد يوصل لها مع انها من جسمه؟؟

-انتى بالنسبة لى ..ساكنة جوايا..موجودة فى مكان جوايا..حاسك.. وحاسس بكل نبضة بتطلع من قلبك الصغير
لكن مش قادر المسك.. بعيدة عن ايديا.. كل ما احاول اقربلك.. الاقيكى بعيدة عنى
بالظبط زى النقطة اياها

بس بالطريقة دى
اواحد ممكن يتخلص من الحب ده بحمام دافى و كريم خمس خمسات
هههههههههههههههههه
موضوعك رائع