بتيجى فى بالى

بتنزل دمعه من عينى على اللى كان بنها وبينى
وتمشى حياتى وسنينى لاكن احزانى مابتمشيش

وعارف انه مايصحش ومفروض انى انا مابكيش
حاولت كتير اكون اقوى حاولت وقلبى ماطوعنيش

بتيجى فى بالى ... وضحكتها مابتسبنيش
بتيجى فى بالى ... على ذكراها لسه بعيش
بتيجى فى بالى ... وأعمل أيه عشان ماتجيش

--------------

قالولى البعد بيأسى مسير الوقت هاينسى
ينسى مين دانا نفسى أشوفها وحتى ماتشوفنيش

أنا عايش على الذكرى فاكرها وهى مش فاكره
وأقول هانساها من بكره ولاكن بكره ده مابيجيش

بتيجى فى بالى ... وضحكتها مابتسبنيش
بتيجى فى بالى ... على ذكراها لسه بعيش
بتيجى فى بالى ... وأعمل أيه عشان ماتجيش

--------------