الحاجات الحلوه والوحشه اللي بتلفت نظر البنات في الشباب

ازيكم يا جماعه
كل سنه وانتم طيبين
انا جه علي بالي الموضوع ده حبيت انشره يمكن نستفيد منه
وكنا عايزين نعرف الحاجات الوحشه اللي بتلفت نظر البنات وبيشوفوها في الشباب
وبرضه الحاجات الحلوه اللي بتلفت نظر البنات وبيشوفوها في الشباب
يلا كل البنات تدخل تقول رأيها
ومفيش مانع برضه لو دخل الشباب وقالو رأيهم

اممممممممممم...

عايزة اقول حاجة الأول قبل مااجاوب على سؤال حضرتك...

الأساس غض البصر سواء كان من البنت أو الولد

بس عموما الحاجات الحلوة اللي بتلفت نظر البنات في الولد سواء كان عريس متقدم أو حاجة كدة هي الالتزام والأخلاق...

راجل في تصرفاته وكلامه وأسلوبه...

الرومانسية والحنان...

الرقي في التعامل >>> يكون جنتل معاها يعني

مظهره يكون مقبول... وحاجات تانية كتير..

الحاجات الوحشة بيتهيألي أهم حاجة البعد عن ربنا

تقبل مروري

ميرسي ليكي اوي علي المرور
ومنتظرين تفاعل باقي الاعضاء

علي ما اظن ان دى حاجه صعبه اوى انك تقول الحاجات دى
اصل برضه مش كل الولاد زى بعض
ممكن تكون في حاجات حلوه في الشخص ده
مش عارفه لكن انا معرفش اقول حاجه كده عامه
اصلك مثلا لو هتيجي تحكم علي البنات غصب عنك هتتخيل بنت معينه في بالك وتطلع كل مميزاتها وعيوبها وتعممها علي كل البنات وبرضه ده بالظبط اللي انا او اي حد هيعمله
فالحكايه صعبه خااااااااااالص بالنسبه لي
انا شفت الموضوع من بدري لكن مكنتش عارفه ارد اقول ايه وكنت محتاره

ماهو برضه انا بقول علي الحاجات اللي انتي بتشوفيها من بره في الشباب
مجرد انك لفت نظرك موقف في الشارع او في الكليه او كده
مش لازم سوري في الكلام(تعاشري واحد)علشان تميزي عيوبه من مميزاته
مش ده اللي ان قصدي عليه
يعني مثلا البنات
حاجه زي كتر مسك الموبايل ووضعه علي الودان كتير وهي ماشيه في الشارع
دي حاجه وحشه في نظر الولد وبرضه مش كل الولاد بيبصوا للحاجه دي بنفس وجهة النظر
وهكذا
انا بتكلم بصفه عامه
واللي تقدري تقولي عليه قوليه
يا رب تكوني فاهمه قصدي يا يويو

طب قول انت الاول يا احمد
يعنى برضه الراجل موجود واحن االى هنبدأ ؟؟؟
ابدأ انت المعركه
يمكن نتشجع

انا هقول الحاجات الحلوه الاول اللي بتلفت نظر اي شاب في البنت
1-البنت لما بتمشي في الشارع وعلطول باصه في الارض وتحس من البنت ان الحياء هيموتها في الشارع بتمشي مضطربه من كتر الحياء ودي بلاحظها كتير
2-البنت اللي بتمشي مع صاحباتها ولما يجوا يضحكوا بتضحك هي بصوت واطي مش بتسمع الجيران
3-البنت اللي دمها خفيف وبتعرف تتعامل مع الناس سواء شباب او بنات باحترام وبكل زوق
4-واحلي حاجه بأه البنت الصادقه اللي عمرها ما بتكذب ابدا ودي مش عارف ليه بفتقدها في بنات كتير
5-البنت اللي متعلقه بربنا وفي نفس الوقت منفتحه مع الناس واجتماعيه اصل فيه بنات تلاقيهم متعلقين بربنا وعلطول مع نفسيهم ومكتئبين كده
6-اكتر حاجه بأه بتعجبني في البنت هي الي بتحترم بباها ومامتها وبتطيعهم وخصوصها الام
نيجي بأه علي الحاجات الوحشه
1-المكياج اللي بيشوه صورة البنت في الشارع واللي بتحطه بغرض الجمال بس لو عرفت ان الشباب بيكرهو المكياج مش هتحطوا تاني وياسلام بأه علي بتحط كيلوهات من البودره
2-البنت اللي بتضحك بصوت عالي في الشارع او في الجامعه او اي مكان فيه ناس
3-نيجي بأه للمصيبه الكبري وهي اللبس الضيق اللي هو مش لبس اساسا وبنلاحظ كتير اللبس الضيق اللي البنت بتلبسه وانا اشك ان اللبس بيتفصل علي جسمها بالظبط وتلاقي كل التضاريس باينه في الشارع واتفرج يالي فاضي(ههههههههه اوعي حد يزعل)
4-البنت الي رابطه الموبايل بأستيك في ودانها طول النهار والليل في الشارع ودي ملهاش غير تفسير واحد بس وهو............انتو عارفين
5-البنت اللي بتختلط مع اولاد كتير سواء في الجامعه او اي عمل اخر ودي بتجيب بجد سمعه وحشه حتي لو البنت محترمه كفايه واحد بس(ههههههههه او اتنين علشان محدش يزعل)
وحاجات كتير تانيه ممكن تكون غايبه عن بالي بس لما تيجي حاجه علي بالي هكتبها علطول

ومحدش يزعل من الكلام ده كله دي مجرد وجهة نظر

علي فكره يا جماعه انا عكست الايه
انا قولت الحاجات اللي بتلفت نظر الشباب وبيشوفوها في البنات