بخصوص ملفات الاغاني و البرامج - التحميلات الخاصة بالمنتدي

نظرا لطلبات الاعضاء المستمرة علي المنتدي وعلي الايميل بانشاء قسم خاص بالاغاني و الافلام وكدة
انا كان ليا رد واحد بس
ان المنتدي مجاني و الشركة المستضيفة تمنع وجود الافلام علي المنتديات لاعتبارها انتهاك لحقوق الملكية الفكرية

بس هو فيه حل تاني
اننا ننسي قسم الافلام ده
بس نخلينا في الاغاني
ممكن نعمل قسم للاغاني واهوه خلاص اتعمل
بس بشرط
اي موضوع فيه لازم يكون باسم المنتدي
يعني اي حاجة اي حد هيحملها تنزل عنده باسم المنتدي

-------------------- طريقة الرفع ------------------


اول خطوة: اعداد المحتوي المراد رفعه

1- سعادتك بتأكد من الحاجة اللي عايز ترفعها وتتاكد انها مافيهاش فيروسات وشغالة 100% ولو وجد شكوي من اي حد باي خطا في اي ملف موضوع رابطه يحذف بعد المعاينة
2- لازم تجيب حقوق المنتدي علي الحاجة اللي انت هترفعها دي
بتعمل ملف text هيكون زي ده حمله من هنا
و بتغير بقي في اسم الحاجة اللي مرفوعة وحجما ونوعها واسم حضرتك بتكتبه بردو
3- بتحط الفولدر بتاع الاغنية مثلا + ملف الــtext بتاع الحقوق داخل فولدر جديد
وتسمي الفولدر ده بحيث يكون مثلا انا رفعت اغنية سيب الحب هيبقي الفولدر النهائي اسمه كدة
Seb_El-Hob_Uploaded_By_Dr._Ehab_Diab
طبعا ملاحظين اني بدلت اي مسافة بـ _ ودي حاجة تقنية لازم تعملوها عشان مايحصلش اي خطأ اثناء الرفع
بعدين هنضغط الفولدر ده زي ماتفقنا في المواضيع اللي قبل كدة ولو عايزينها تاني قولو وانا اعملها تاني

---------

تاني خطوة: رفع المحتوي

ممكن اننا نرفع علي عدة سيرفرات لكن انا جربت معظم مواقع الرفع و السيرفرات المخختلفة ولقيت ان احسنهم
Mediafire : موقع مجاني 100% وإذا انقطع التحميل فممكن تستكمله مرة تانية من غير ما تبدأ من الاول
Rapidshare : موقع مجاني في الرفع فقط لكن عند التنزيل يسمح فقط بتحميل لينك واحد فقط كل 15 دقيقة ( بالنسبة للروتر طبعا ) يعني بالنسبة كل المشتركين معاك في نفس الشبكة
UploadGround : موقع مجاني 100% وبيرفع علي السيرفرات المختلفة